ଭୁବନେଶ୍ୱର: ରାଜଧାନୀରୁ ପୁଣି ଜଣେ ଛାତ୍ର ନିଖୋଜ । ଛାତ୍ର ଜଣକ ରାଗି ଘରୁ କୁଆଡେ ପଳାଇଥିବା ଜଣାପଡିଛି । ଏ ନେଇ ପରିବାର ଲାେକେ ମୈତ୍ରୀ ବିହାର ଥାନାରେ ଅଭିଯୋଗ କରିଛନ୍ତି । ନିଖୋଜ ଛାତ୍ରଙ୍କ ନାଁ ଯୋଗେଶ ବାଲାଜ । ସ୍କୁଲ ଯିବାକୁ ନେଇ ପରିବାର ଲାେକେ ଏବଂ ଶିକ୍ଷକ ତାଙ୍କୁ ଗୁରୁବାର ଗାଳି ଦେଇଥିଲେ । ଏହା ପରେ ପରେ ୧୬ ବର୍ଷର ଛାତ୍ର ନିଖୋଜ ହୋଇ ଯାଇଛନ୍ତି । ସେ ରାଗିକରି ଘର ଛାଡି ପଳାଇ ଯାଇଥିବା ଅନୁମାନ କରାଯାଉଛି । ପରିବାର ଲୋକେ ସବୁଆଡ ଖୋଜାଖୋଜି କରି ନିରାଶ ହୋଇ ପଡିଲେଣି ।
ସୂଚନାଥାଉ କି, ଗତ ୪ ତାରିଖରୁ ରାଜଧାନୀରୁ ୨ ନାବାଳକ ଛାତ୍ର ସ୍କୁଲ ଯାଇ ନିଖୋଜ ହାଇ ଯାଇଥିଲେ। ପରିବାର ଲୋକେ ବହୁ ଖୋଜାଖୋଜି କରି ନ ପାଇବା ପରେ ଚନ୍ଦକା ଥାନାର ଦ୍ୱାରସ୍ଥ ହୋଇଥିଲେ । ପୋଲିସ ସେମାନଙ୍କୁ ଆଜି ଟିଟିଲାଗଡରୁ ଠାବ କରିଥିଲା ପୋଲିସ । ଉଭୟଙ୍କୁ ନିଶାସକ୍ତ ଅବସ୍ଥାରେ ଉଦ୍ଧାର କରିଥିବା ପୋଲିସ କହିଛି ।
ଛାତ୍ରଦ୍ୱୟ ଉଦ୍ଧାର ହେବା ପରେ ଜଣାପଡିଥିଲା ଯେ, ଉଉଭୟଙ୍କୁ ଅପହରଣ କରି ନିଆ ଯାଇଥିଲା । ତେବେ ଅପହର୍ତ୍ତାଙ୍କ କବଳରୁ ସେମାନେ କୌଣସି ପ୍ରକାରେ ଖସି ଆସିଥିବା କହିଛନ୍ତି ଉଭୟ ଛାତ୍ର । ସେମାନଙ୍କୁ ଗତକାଲି ସ୍କୁଲ ପାଖରୁ ଦୁବୃର୍ତ୍ତ ଉଠେଇ ନେଇଥିବା ପୋଲିସକୁ ସୂଚନା ଦେଇଛନ୍ତି ଉଭୟ ଛାତ୍ର ସୋନୁ କୁମାର ଓ ପୃଥ୍ୱୀରାଜ ପ୍ରଧାନ। ଉଭୟେ ରାଜଧାନୀର ଏକ ଘରୋଇ ସ୍କୁଲରେ ଦଶମ ଶ୍ରେଣୀରେ ପଢନ୍ତି ।
