ବାରିପଦା : ମୟୂରଭଞ୍ଜ ଜିଲ୍ଲା ଝାଡ଼ଖଣ୍ଡ ସିମାନ୍ତ ତିରିଂ ଠାରେ ତିରିଂ ରୁ ହୋଭାଷା ସଂଗ୍ରାମୀ ସାଥୀ ଭୂବନେଶ୍ବର ପଦ ଯାତ୍ରା କାର୍ଯ୍ୟକ୍ରମ କୁ ସ୍ୱାଧୀନତା ଦିବସ ପରଦିନ ଠାରୁ ସିମାନ୍ତ ତିରିଂ ରୁ ଭୁବନେଶ୍ଵର ପଦଯାତ୍ରା ଶୁଭାରମ୍ଭ କରିଛନ୍ତି । ଆଦିବାସୀ ହୋ ଭାଷା ର ଯାଠାକୁ ତିରିଂ ବ୍ଲକ ଅଧ୍ୟକ୍ଷ ପରମେଶ୍ବର ସାମାଡ, ସମିତି ସଭ୍ଯା ଜେମାମଣି ସୁଣ୍ଡି, ଜିଲ୍ଲା ପରିଷଦ ସଭ୍ଯ ପରେଶ ମୁଣ୍ଡା, ସମିତି ସଭ୍ୟ ବାଣଜୁ ହେମ୍ବ୍ରମ ପ୍ରମୁଖ ଉପସ୍ଥିତ ରହି ସ୍ବାଗତ ସମ୍ବର୍ଦ୍ଧନା କରିବା ଯାତ୍ରାର ଶୁଭ ମନାସି ଥିଲେ ।
ରାଇରଙ୍ଗପୁରର ସ୍ଥାନୀୟ ଆଦିବାସୀ ହୋ ସମାଜିକ ସାଂସ୍କୃତିକ ଅନୁଷ୍ଠାନ ସିଦାହରା ସୁସାର ଆଖଳା ପରିସରରେ ସୁସାର ଆଖଳା ସଭାପତି ପଦ୍ମଚରଣ ବାନାରା, ମୟୂରଭଞ୍ଜ ଆଦିବାସୀ ହୋ ସମାଜ କମିଟି ର ସଭାପତି ମଟକା ବିରୁଆ, ଜାମଦା ବ୍ଲକ ତାରଣା ସମିତି ସଭ୍ୟ ଦିକୁଲ ବାଗେ, ହୋ ଭାଷା କ୍ରିୟାନୁଷ୍ଠାନ କମିଟିର କେନ୍ଦ୍ରୀୟ ସଭାପତି ରାମରାୟ ମୁନ୍ଦୁୟା ପ୍ରମୁଖ ସ୍ଵାଗତ ସମ୍ବର୍ଦ୍ଧନା ଦେଇଥିଲେ । ଏହି ଦଶ ଜଣିଆ ହୋ ଭାଷା ପ୍ରତିନିଧିଦଳରେ ଘନଶ୍ୟାମ ପିଙ୍ଗୁଆ , ଦାମୋଦର ପୁର୍ତ୍ତି , ଚନ୍ଦ୍ରମୋହନ ପିଙ୍ଗୁଆ , କୁଷ୍ଣଚନ୍ଦ୍ର କାରୋଆ , ସଞ୍ଜୟ ହେମ୍ବ୍ରମ , ରାମେଶ୍ୱର କଣ୍ଡାକେଲ ,ଚନ୍ଦନ ମୁର୍ମୁ, ଜଟେୟା ସାଓୟାଁ ପ୍ରମୁଖ ରହିଛନ୍ତି । ହୋ ଭାଷାକୁ ଅଷ୍ଟମ ଅନୁସୂଚୀରେ ସାମିଲ କରିବାକୁ ଦାବି ନେଇ ଭୂବନେଶ୍ବର ରେ ପହଞ୍ଚିବା ପରେ ସେମାନେ ମହାମହିମ ରାଜ୍ୟପାଳ ଙ୍କୁ ଅଗଷ୍ଟ ୨୪ ତାରିଖ ଦିନ ଦାବିପତ୍ର ପ୍ରଦାନ କରିବାର କାର୍ଯ୍ୟକ୍ରମ ରହିଛି ବୋଲି ଦଳର ମୁଖିଆ ସୂଚନା ପ୍ରଦାନ କରିଛନ୍ତି । ଓଡ଼ିଶାର ଆଦିବାସୀ ସମାଜର ମାତୃଭାଷା ‘ହୋ’ ଭାଷାର ସୁରକ୍ଷା ଓ ବିକାଶ ପାଇଁ ଏହା ହେଉଛି ସଂଗ୍ରାମ ।
ଏହି ପରିପ୍ରେକ୍ଷୀରେ, ହୋ ଭାଷାକୁ ସମ୍ବିଧାନର ଅଷ୍ଟମ ଅନୁସୂଚୀରେ ଅନ୍ତର୍ଭୁକ୍ତ କରିବା ସମେତ ୫ ଦଫା ଦାବି ନେଇ ରାଜ୍ୟପାଳ ଓ ମୁଖ୍ଯମନ୍ତ୍ରୀ ଙ୍କୁ ଏକ ସ୍ମାରକପତ୍ର ପ୍ରଦାନ କରାଯିବ । ଏହି ସ୍ମାରକପତ୍ରରେ ଉଲ୍ଲେଖ କରାଯାଇଛି ଯେ, 1972 ମସିହାରୁ ହୋ ଭାଷାକୁ ସରକାରୀ ସ୍ତରରେ ମାନ୍ୟତା ଦେବା ପାଇଁ ଦାବି ହୋଇଆସୁଛି। ଆଦିବାସୀ ସମାଜର ଭାଷାଗତ ଅଧିକାର, ସାଂସ୍କୃତିକ ପରିଚୟ ଏବଂ ମାତୃଭାଷା ଭିତ୍ତିକ ଶିକ୍ଷା ଓ ବିକାଶକୁ ସୁଦୃଢ଼ କରିବା ପାଇଁ ଏହି ଦାବିଗୁଡ଼ିକ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ରହିଛି ।
ପ୍ରମୁଖ ୫ ଦଫା ଦାବିଗୁଡ଼ିକ ହେଲା:
୧. ହୋ ଭାଷାରେ ଶିକ୍ଷାଦାନର ସୁବିଧା ସୁନିଶ୍ଚିତ କରିବା।
୨. ହୋ ଭାଷାରେ ପାଠ୍ୟପୁସ୍ତକ ପ୍ରଣୟନ ଓ ପ୍ରକାଶନକୁ ତ୍ୱରାନ୍ୱିତ କରିବା।
୩. ଅନୁସୂଚିତ ଜାତି ଓ ଜନଜାତିଙ୍କ ଭାଷା, କଳା ଓ ସଂସ୍କୃତିର ସୁରକ୍ଷା କରିବା।
୪. ହୋ ଭାଷାରେ ଶିକ୍ଷକ, ପାଠ୍ୟପୁସ୍ତକ ଓ ଭିତ୍ତିଭୂମିର ବିକାଶ କରିବା।
୫. ରାଜ୍ୟ ସରକାର ହୋ ଭାଷାକୁ ଭାରତୀୟ ସମ୍ବିଧାନର ଅଷ୍ଟମ ଅନୁସୂଚୀରେ ସାମିଲ କରିବା ପାଇଁ କେନ୍ଦ୍ର ସରକାରଙ୍କୁ ପୁନର୍ବାର ସୁପାରିଶ କରନ୍ତୁ।
ଓଡ଼ିଶା,ଝାଡ଼ଖଣ୍ଡ,ପଶ୍ଚିମବଙ୍ଗ,ବି
