କଙ୍ଗୋ: ଗୁରୁବାର ଦିନ କଙ୍ଗୋର ପୂର୍ବ ଡେମୋକ୍ରାଟିକ୍ ରିପବ୍ଲିକ୍ ସହର ବୁକାଭୁରେ ଏକ ବଡ଼ ଦୁଃଖଦ ଘଟଣା ଘଟିଛି। ଦୁଇଟି ସ୍କୁଲରେ ଅଗ୍ନିକାଣ୍ଡ ଘଟି ୨୬ ଜଣ ଛାତ୍ରଙ୍କ ମୃତ୍ୟୁ ଘଟିଛି ଏବଂ ଅନେକ ଆହତ ହୋଇଛନ୍ତି । ମୃତ୍ୟୁ ସଂଖ୍ୟା ଆଗକୁ ବୃଦ୍ଧି ପାଇପାରେ ବୋଲି ଆଶଙ୍କା କରାଯାଉଛି ।
ସୂଚନାନୁଯାୟୀ, ପ୍ରଥମେ ନିଆଁ ଏକ ଘରେ ଲାଗିଥିଲା ଏବଂ ପରେ ପାଖାପାଖି ଦୁଇଟି ସ୍କୁଲକୁ ବ୍ୟାପିଯାଇଥିଲା, ଉଭୟ ପରସ୍ପର ନିକଟରେ ଅବସ୍ଥିତ । ଫୁରାହା ମାଧ୍ୟମିକ ବିଦ୍ୟାଳୟ ଏବଂ ଉଜାମାଆ ପ୍ରାଥମିକ ବିଦ୍ୟାଳୟରେ ଏହି ଅଗ୍ନିକାଣ୍ଡ ଘଟିଥିଲା । ଅଗ୍ନିକାଣ୍ଡ ସମୟରେ ଫୁରାହା ମାଧ୍ୟମିକ ବିଦ୍ୟାଳୟ ଭିତରେ ଅନେକ ଛାତ୍ର ଫସି ରହିଥିଲେ । କେତେକଙ୍କ ମୃତ୍ୟୁ ଶ୍ୱାସରୁଦ୍ଧ ହୋଇ ହୋଇଥିଲା । ଫଳରେ ସ୍କୁଲରେ ଅରାଜକତା ସୃଷ୍ଟି ହୋଇଥିଲା । ଅନେକ ପିଲା ନିଜ ଜୀବନ ବଞ୍ଚାଇବାକୁ ଯାଇ ଝରକା ଡେଇଁ ଖସିଯିବାକୁ ଚେଷ୍ଟା କରିଥିଲେ । ଆଉ କିଛି ପିଲାଙ୍କର ଶ୍ବାସରୁଦ୍ଧ ହୋଇ ଏବଂ ଦଳାଚକଟାରେ ଚାପି ହୋଇ ମୃତ୍ୟୁ ହୋଇଥିଲା ।
ଅନ୍ୟପଟେ ଅଧିକାରୀମାନେ କହିଛନ୍ତି ଯେ ରିଲିଫ୍ ଏବଂ ଚିକିତ୍ସା ପ୍ରୟାସ ଚାଲିଛି, ଏବଂ ମୃତକ ଏବଂ ଆହତଙ୍କ ସମ୍ପୂର୍ଣ୍ଣ ଗଣନା ଏବେ ବି ସଂଗ୍ରହ କରାଯାଉଛି । କିନ୍ତୁ ଅଗ୍ନିକାଣ୍ଡର କାରଣ ସ୍ପଷ୍ଟ ଭାବେ ଜଣାପଡିନାହିଁ ।
