ବାରିପଦାରେ ମହାପ୍ରଭୁଙ୍କ ରାଜ ରାଜେଶ୍ୱର ବେଶ

ବାରିପଦା -ତା -22-7-  ରବିବାର ପାଖରୁ ପ୍ରତ୍ୟେହ ସନ୍ଧ୍ୟାରେ ଦ୍ୱିତୀୟ ଶ୍ରୀକ୍ଷେତ୍ର ବାରିପଦା ରେ ଶ୍ରୀ ଗୁଣ୍ଡିଚା ମିନ୍ଦିରର ଆଡ଼ପ ମଣ୍ଡପରେ ମହାପ୍ରଭୁମାନେ ବିଭିନ୍ନ ବେଶରେ ସଜିତ ହୋଇ ଭକ୍ତମାନଙ୍କୁ ଦର୍ଶନ ଦେଉଛନ୍ତି l ଆଜି ବୁଧବାର  ସନ୍ଧ୍ୟାରେ ଆଡ଼ପ ମଣ୍ଡପରେ ତିନି ଠାକୁର ରାଜ ରାଜେଶ୍ୱର ବେଶରେ ସଜିତ ହୋଇ ଭକ୍ତମାନଙ୍କୁ ଦର୍ଶନ ଦେଇଛନ୍ତି l ଆଜି ମହାପ୍ରଭୁମାନଙ୍କର ବେଶ ଦର୍ଶନ କରିବା ପାଇଁ ଭକ୍ତଙ୍କର ପ୍ରବଳ ଭିଡ଼ ଦେଖିବାକୁ ମିଳିଥିଲା l ପ୍ରତିବର୍ଷ ସମସ୍ତେ ଚାହିଁ ରହିଥାଆନ୍ତି ଏହି ଗୁଣ୍ଡିଚା ମନ୍ଦିରରେ  ତିନି ଠାକୁରଙ୍କ ବେଶ ଦର୍ଶନ କରିବା ପାଇଁ l ବେଶ ଦର୍ଶନ କରିବା ସହ ମହାପ୍ରଭୁ ମାନଙ୍କର ଆଶୀର୍ବାଦ ଭିକ୍ଷା କରିଥାଆନ୍ତି ଭକ୍ତବୃନ୍ଦ l

ଆସନ୍ତାକାଲି ଗୁରୁବାର ମହାପ୍ରଭୁମାନଙ୍କର କଳକୀ ବେଶ  l ଶୁକ୍ରବାର ଶେଷ ବେଶ ଦର୍ଶନ l ଦ୍ୱାରିକା (ସୁନା) ବେଶରେ ତିନି ଠାକୁର ସଜିତ ହୋଇ ଭକ୍ତମାନଙ୍କୁ ଦର୍ଶନ ଦେବାପରେ ବାହୁଡା଼ ପହଣ୍ଡି ହୋଇ ରଥ ଉପରକୁ ବିଜେ କରିବେ l ସେହିପରି ବାରିପଦା ର ଅନ୍ୟତମ ସାନ ଜଗନ୍ନାଥ ମନ୍ଦିରର ଗୁଣ୍ଡିଚା ମନ୍ଦିରର ଆଡ଼ପ ମଣ୍ଡପରେ ମହାପ୍ରଭୁମାନଙ୍କୁ  ଆଜି ସନ୍ଧ୍ୟାରେ ପଦ୍ମ ବେଶରେ ଭକ୍ତମାନେ  ଦର୍ଶନ କରିଛନ୍ତି l ଏଠାରେ ମଧ୍ଯ ଶୁକ୍ରବାର ଦିନ ତିନି ଠାକୁର ଦ୍ୱାରିକା ( ରୁପା ) ବେଶରେ ଭକ୍ତମାନଙ୍କୁ ଦର୍ଶନ ଦେବାପରେ ବାହୁଡା ପହଣ୍ଡି ହୋଇ ରଥ ଉପରକୁ ବିଜେ କରିବେ l