ଜଳିଗଲେ ମହିଳା, ଅବସ୍ଥା ସଙ୍କଟାପନ୍ନ

ସୂଚନା ଅନୁସାରେ ପିପିଲି ପୌରାଞ୍ଚଳର ଅର୍ଚ୍ଚନା ଦାସ (୩୨) ସ୍ଥାନୀୟ ଜୟପୁର ନିକଟ ନବୀନ ନିବାସରେ ଭଡ଼ା ଘରେ ରହୁଥିଲେ। ତାଙ୍କ ସ୍ବାମୀ ନରେଶ ଦାସ ସେଠାରେ ଏକ ଜିମ୍ କରିଛନ୍ତି। କେଉଁ କାରଣରୁ ଅର୍ଚ୍ଚନା ପୋଡ଼ି ହୋଇଗଲେ, ତାହା ଅସ୍ପଷ୍ଟ ରହିଛି। ତେବେ ଅର୍ଚ୍ଚନା ଘର ବାରଣ୍ତାରେ ଠିଆଠିଆ ଜଳୁଥିବା ବେଳେ ପଡୋଶୀ ନିଆଁ ଲିଭାଇ ଉଦ୍ଧାର କରିଥିଲେ। ଏ ସମ୍ପର୍କରେ ତାଙ୍କ ସ୍ବାମୀଙ୍କର କୌଣସି ପ୍ରତିକ୍ରିୟା ଜଣାପଡ଼ିନାହିଁ। ପୀଡ଼ିତାଙ୍କ ସହ ତାଙ୍କ ସ୍ବାମୀ ହସ୍ପିଟାଲ ଯାଇଥିବା ଦେଖାଯାଇଛି। ପିପିଲି ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି।  ଖବର ଲେଖାଯିବା ସୁଦ୍ଧା ଏ ନେଇ ପୁଲିସ ପାଖରେ କୌଣସି ଅଭିଯୋଗ ହୋଇନଥିଲା।