ବାରିପଦା : ମୟୂରଭଞ୍ଜ ଜିଲ୍ଲା ଵହଳଦା ଥାନା ଅନ୍ତର୍ଗତ ତେନ୍ତଳା ଗ୍ରାମରେ ସାପ କାମୁଡାରେ ଜଣେ ୧୨ ବର୍ଷୀୟା ନାବାଳିକାର ମୃତ୍ୟୁ ହୋଇଥିବା ଏକ ଅଭାବନୀୟ ଦୁଃଖଦ ଘଟଣା ଘଟି ଯାଇଛି । ସୂଚନାଯୋଗ୍ୟ ତେନ୍ତଳା ଗ୍ରାମର ଗରିବ ପରିବାରର ମୁରବି ଶ୍ୟାମ ମାରାଣ୍ଡି ନିଜର ପରିବାର ଗୁଜୁରାଣ ମେଣ୍ଟାଇବା ପାଇଁ ଭୁବନେଶ୍ବରକୁ କାମ କରିବା ପାଇଁ ଯାଇଛନ୍ତି ।ଘରେ ତା’ ର ସ୍ତ୍ରୀ ଏବଂ ୧୨ ବର୍ଷୀୟା କନ୍ୟା ସିନଗୋ ମାରାଣ୍ଡି ଅଛନ୍ତି । ସେମାନେ ରବିବାର ରାତିରେ ଖାଇ ପିଇ ଚଟାଣିରେ ଶୋଇଥିଲେ । ହଠାତ୍ ସିନଗୋ କ’ଣ କାମୁଡ଼ିଲା ବୋଲି ତା’ର ମା’ କୁ କହିଥିଲା । କିନ୍ତୁ ତା କଥାକୁ ହାଲୁକା ଭାବେ ନେଇ ଶୋଇ ଯାଇଥିଲା ।ସକାଳୁ ଉଠି ଦେଖନ୍ତି ସିନଗୋର ଦେହ ଥଣ୍ଡା ପଡ଼ି ଯାଇଛି । ତାଙ୍କୁ ରାଇରଙ୍ଗପୁର ହସ୍ପିଟାଲ କୁ ଅଣା ଯାଇଥିଲା । ଡାକ୍ତର ମୃତ ଘୋଷଣା କରିଥିଲେ । ପୋଲିସ ଏକ ଅପମୃତ୍ୟୁ ମାମଲା କେଶ କରି ମୃତକକୁ ଶବ ବ୍ୟବଚ୍ଛେଦ କରାଇ ପରିବାର ବର୍ଗଙ୍କୁ ହସ୍ତାନ୍ତର କରିଛି । ସପ୍ତାହକ ମଧ୍ୟରେ ସାପ କାମୁଡାରେ ତିନି ଗୋଟି ଅମୂଲ୍ୟ ଜୀବନ ଚାଲି ଗଲାଣି ସାମାନ୍ୟ ଅବହେଳା କାରଣରୁ ଯାହାକି ଚିନ୍ତାର ବିଷୟ l
ସେହିପରି ରାଇରଙ୍ଗପୁର ଟାଉନ ଥାନା ଅନ୍ତର୍ଗତ ଇଚିଣ୍ଡା ଗ୍ରାମର ରାକ୍ଷୀ ଵନ୍ଦନ ଭଟ୍ଟାଚାର୍ଯ୍ୟ ୫୨ ବର୍ଷିୟ ମହିଳା ଘରେ ଶୋଇଥିବାଵେଳେ ଏକ ବିଷାକ୍ତ ସାପ କାମୁଡାରେ ଶିକାର ହୋଇଥିଲେ । ତାଙ୍କୁ ରାଇରଙ୍ଗପୁର ଡାକ୍ତରଖାନା ଅଣା ଯାଇଥିଲା ସେଠାରେ ଡାକ୍ତର ମୃତ ଘୋଷଣା କରିଥିଲେ । ପୋଲିସ ତରଫରୁ ଏକ ଅପମୃତ୍ୟୁ ମାମଲା ରୁଜୁ କରାଯାଇ ଶବ ବ୍ୟବଚ୍ଛେଦ କରାଯାଇ ପରିବାର ବର୍ଗଙ୍କୁ ହସ୍ତାନ୍ତର କରାଯାଇଛି ।
