ନୂଆଦିଲ୍ଲୀ: ତାଲିବାନଠାରୁ ନିର୍ମମଭାବେ ପରାସ୍ତ ହୋଇ ରକ୍ତମୁଖା ହୋଇପଡ଼ିଛନ୍ତି ପାକିସ୍ତାନ ସେନାମୁଖ୍ୟ ତଥା ଫିଲଡ ମାର୍ସାଲ ଅସୀମ ମୁନୀର । କିନ୍ତୁ ତାଲିବାନ ବଦଳରେ ସେ ଭାରତକୁ ଟାର୍ଗେଟ୍ କରିଛନ୍ତି । ସେ କହିଛନ୍ତି ପାକିସ୍ତାନ କେବେ ବି ନଇଁବ ନାହିଁ । ଯେକୌଣସି ଦୁଃସାହସର ଦୃଢ ଜବାବ ଦିଆଯିବ । ଏହି ଜବାବର ପ୍ରଳୟଙ୍କରୀ ପରିଣାମ ହେବ ଯାହାର ପ୍ରଭାବ ସମଗ୍ର ଅଂଚଳ ଉପରେ ପଡ଼ିବ । କିନ୍ତୁ ଏଥିପାଇଁ ଭାରତ ଦାୟୀ ରହିବ । ପାକିସ୍ତାନୀ ମିଲିଟାରୀ ଏକାଡେମୀରେ ଉଦବୋଧନ ଦେଇ ସେ କହିଛନ୍ତି ଯଦି ପୁଣି ସଂଘର୍ଷ ଆରମ୍ଭ ହୁଏ, ପାକିସ୍ତାନ ତାହାର ବଡ଼ ଧରଣର ଜବାବ ଦେବ ।
