ଆଗରପଡ଼ା :ବନ୍ତ ବ୍ଲକ ଶିକ୍ଷାଧିକାରୀଙ୍କ ଅଧିନ ଗଣିଜାଙ୍ଗ ଆଂଚଳିକ ସାଧନା କେନ୍ଦ୍ର ପକ୍ଷରୁ ବିନାୟକପୁର ସରକାରୀ ପ୍ରାଥମିକ ବିଦ୍ୟାଳୟ ରେ ଦୁଇ ଦିବସୀୟ ଶିକ୍ଷଣ ସାମଗ୍ରୀ କର୍ମଶାଳା ଅନୁଷ୍ଠିତ ହୋଇଯାଇଛି । ଶିକ୍ଷା ସଂଯୋଜକ ପ୍ରଫୁଲ ଦାସ ଙ୍କ ଅଧ୍ୟକ୍ଷତାରେ ଅନୁଷ୍ଠିତ କର୍ମଶାଳାରେ ଅତିଥିଭାବେ ଜିଲ୍ଲା ଶିକ୍ଷା ପ୍ରଶିକ୍ଷଣ ପ୍ରତିଷ୍ଠାନର ଏଜୁକେଟର ମଧୁସ୍ମିତା ତ୍ରୀପାଠୀ,ଶିଳ୍ପୀ ଗଣେଶ ପ୍ରସାଦ ଦାଶ ଯୋଗ ଦେଇ ଚିତ୍ରକଳା ଓ ମୃର୍ତିର୍ ମାଧ୍ୟମରେ କିପରି କୋମଳମତି ଛାତ୍ରଛାତ୍ରୀଙ୍କୁ ଶିକ୍ଷା ପ୍ରଦାନକରାଯାଇପାରିବ ସେ ବିଷୟରେ ସମ୍ୟକ ସୂଚନା ଦେଇଥିଲେ । ଏହି ସାଧନା କେନ୍ଦ୍ର ଅଧିନରେ ଥିବା ୧୧ଗୋଟି ବିଦ୍ୟାଳୟରୁ ପ୍ରଧାନ ଶିକ୍ଷକ ଓ ଶିକ୍ଷିକା ଏହି କର୍ମଶାଳାରେ ଅଂଶ ଗ୍ରହଣ କରିଥିଲେ । ପରିଶେଷରେ ଶିକ୍ଷକ/ଶିକ୍ଷିକାଙ୍କୁ ସାଧନାକେନ୍ଦ୍ର ପକ୍ଷରୁ ଦକ୍ଷତା ପ୍ରମାଣ ପତ୍ର ପ୍ରଧାନ କରାଯାଇଥିଲା ।
