ଆଗରପଡ଼ା :ବାଣିତିଆ ପଂଚାୟତ ଆର୍କେଜୀଉ ନାଲଗରା ଉଚ୍ଚ ବିଦ୍ୟାଳୟରେ କିଶୋର ବାଳିକାଙ୍କ ନିମନ୍ତେ ଶାରିରୀକ ମାନସିକ ସନ୍ତୁଳନ ନିମନ୍ତେ ଯୋଗ ଓ ଦିନଚର୍ଯ୍ୟା ସମ୍ଭନ୍ଧିତ ତାଲିମ ଶିବିର ଅନୁଷ୍ଠିତ ହୋଇଯାଇଛି । ବିଦ୍ୟାଳୟ ପ୍ରଧାନ ଶିକ୍ଷୟତ୍ରୀ ଲଷ୍ମୀପ୍ରୀୟା ମଲ୍ଲିକଙ୍କ ତତ୍ତ୍ୱାବଧାନରେ ଭଦ୍ରକ ଜିଲ୍ଲା ଯୋଗଗୁରୁ ତଥା ପ୍ରଚାରକ ଧରଣୀଧର କର ଛାତ୍ରୀଙ୍କୁ ଯୋଗ ଶିଷା ପ୍ରଦାନ କରିଥିଲେ । କିଶୋର/ କିଶୋରୀ ସମୟରୁ ଯୋଗ ଯୁକ୍ତ ଜୀବନ ପଦ୍ଧତିକୁ ଆପଣାଇଲେ କିଶୋର ଅବସ୍ଥାରେ ଆସୁଥିବା ପରିବର୍ତ୍ତନକୁ ସହଜରେ ଖାପ ଖୁଆଇ ପାରିବା ସହିତ ଯୁବ ଓ ବାର୍ଦ୍ଧକ୍ୟରେ ଆସୁଥିବା ରୋଗ ଏବଂ ଜଳବାୟୁ ପରିବର୍ତ୍ତନ ହେଉ କି ଭାଇରସ୍ ସମସ୍ତ ପରିସ୍ଥିତି ପରିବେଶରେ ସୁସ୍ଥ ରହିବାରେ ଯୋଗ ସାଧନା ସହୟକ ହୋଇ ପାରିବ । କେବଳ ସେତିକି ନୁହେଁ ଯୋଗର ମାର୍ଗରେ ପରମାତ୍ମା ପ୍ରାପ୍ତି ସମ୍ଭବ ବୋଲି ମତ ପ୍ରକାଶ କରିଥିଲେ । ଦିନଚଯ୍ୟା ଓ ଜୀବନ ଶୈଳୀ ସମ୍ବନ୍ଧରେ ଡାକ୍ତର ନମିତା ପାଣିଗ୍ରାହୀ ଛାତ୍ରୀ ମାନଙ୍କୁ ସଦା ସର୍ବଦା ପରିଷ୍କାର ପରିଛନ୍ନ ରହିବା ସହିତ ପୋଷାକ ପତ୍ର ସବୁବେଳେ ପରିଷ୍କାର ରଖିବା ପାଇଁ ପରାମର୍ଶଦେଇଥିଲେ ସ୍ୱଚ୍ଛତା ଓ ସତର୍କତା ମାଧ୍ୟମରେ ସୁସ୍ଥ ଜୀବନ ଜାପନର ପରାମର୍ଶ ଦେଇଥିଲେ । ବିଦ୍ୟାଳୟ ସହକାରୀ ଶିକ୍ଷକ ସୌମ୍ୟଶ୍ରୀ ଦିୱଦୀ,ସୌଦାମୀନି ପଲାର,ଲିଙ୍କନ୍ କୁମାର ଲେଙ୍କା,ପଦ୍ମଲୋଚନ ପଣ୍ଡା,ସୋମନାଥ ସାହୁ,କୌଳାସ ଚନ୍ଦ୍ର ଯେନା,ଚକ୍ରଧର ଯେନା,ସୁଦର୍ଶନ ପାଢୀ,ରବିନ୍ଦ୍ର କୁମାର ଭାରତୀ,ଶଙ୍କର୍ଷଣ ଦାସ ପ୍ରମୁଖ ସମସ୍ତ କାର୍ଯ୍ୟରେ ସହଯୋଗ କରିଥିଲେ ।
