ଆଗରପଡ଼ା :ବନ୍ତ ବ୍ଲକ ଗଣିଜାଙ୍ଗ ପଂଚାୟତ ଇଛାପୁର ଗ୍ରାମର ଆରାଧ୍ୟ ଦେବୀ ମା’ ବାଗେଶ୍ୱରୀ ମନ୍ଦିରର ଦ୍ୱିତୀୟ ବାର୍ଷିକ ଉତ୍ସବ ଉପଲକ୍ଷେ ଦୁଇ ଦିନିଆ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଗ୍ରାମ୍ୟ ପୁଷ୍କରିଣୀରୁ ୩୧ ଗୋଟି କଳସ ଘଟୋତ୍ତଳନ କରାଯାଇ ଗ୍ରାମ ପରିକ୍ରମା ପରେ ପୂଜା ମଣ୍ଡପକୁ ଅଣାଯାଇଥିଲା । ପୂଜାରୀ ପାରା ପଣ୍ଡା, ରାମ ପଣ୍ଡା, ରଙ୍ଗିଆ ପଣ୍ଡା, ବିଜୟ ପଣ୍ଡା,ପୀତବାସ ଶତପଥି ପ୍ରମୁଖ ଉପସ୍ଥିତ ରହି ସମସ୍ତ ପୂଜା କାର୍ଯ୍ୟ ସମ୍ପାଦନ କରିଥିବା ବେଳେ କର୍ତ୍ତା କାର୍ଯ୍ୟ ଅନାଦି ପୃଷ୍ଟି, ପ୍ରଭାସିନୀ ପୃଷ୍ଟି ତୁଲାଇଥିଲେ । ମନ୍ଦିର ପ୍ରତିଷ୍ଠା ଉତ୍ସବରେ ବିଭିନ୍ନ ବିଦ୍ୟାଳୟର ଛାତ୍ରଛାତ୍ରୀଙ୍କ ମଧ୍ୟରେ ଆଧ୍ୟାତ୍ମିକ ଉପରେ କୁଇଜ ପ୍ରତିଯୋଗିତା, ରଙ୍ଗୋଲି, ନାଚ, ଗୀତ ସମେତ ବିଭିନ୍ନ ସାଂସ୍କୁତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ସେଥିମଧ୍ୟରୁ ପ୍ରଥମ, ଦ୍ୱିତୀୟ, ତୃତୀୟ ସ୍ଥାନ ଅଧିକାର କରିଥିବା ଛାତ୍ରଛାତ୍ରୀଙ୍କୁ ଅତିଥି ପ୍ରାକ୍ତନ ମନ୍ତ୍ରୀ ପ୍ରଫୁଲ୍ଲ ସାମଲ, ଶିକ୍ଷାବିତ୍ ଅନିଲ ନାୟକ, ରବୀନ୍ଦ୍ର ଜେନା, ସମିତିସଭ୍ୟ ମନୋରଞ୍ଜନ ସେଠି, ସେବାସମବାୟ ସମିତି ସଭାପତି ରଞ୍ଜନ ସାହୁ ପ୍ରମୁଖ ଉପସ୍ଥିତ ହୋଇ ଟ୍ରଫି ଓ ମାନପତ୍ର ପ୍ରଦାନ କରିଥିଲେ । ଶ୍ରୀକାନ୍ତ ସାହୁ, ରଘୁ ବେହେରା, ନିତ୍ୟାନନ୍ଦ ମଣ୍ଡଳ, ରାଜେନ୍ଦ୍ର ବେହେରା, ବୈକୁଣ୍ଠ ବେହେରା, କପିଳେଶ୍ୱର ନାଥ, ଅପର୍ତ୍ତିମଣ୍ଡଳ, ମିଥୁନ ପୃଷ୍ଟି, ଅଭିମନ୍ୟୁ ବେହେରା ସମେତ ଗ୍ରାମବାସୀ ସହଯୋଗ କରିଥିଲେ । ସେହିପରି ପୁର୍ଣ୍ଣେଶ୍ୱର ମହାଦେବ ମନ୍ଦିରରେ ଶିବ ରାତ୍ରୀ ପାଇଁ ଯଂଜ୍ଞ ଅନୁଷ୍ଠିତ ହୋଇଥିବା ବେଳେ ପୂର୍ଣ୍ଣାହୂତି କାର୍ଯ୍ୟକ୍ରମରେ ଆଖ ପାଖ ଗ୍ରାମର ଶତାଧିକ ଭକ୍ତଙ୍କ ଭିଡ଼ ଦେଖିବାକୁ ମିଳିଥିଲା ।
