ଜୟପୁର : ଗିରଫ ହେଲେ କୋଟିପତି ଆକାଉଣ୍ଟାଣ୍ଟ । କୋରାପୁଟ କୋଟପାଡ଼ ବାଟସଣା ପଞ୍ଚାୟତର ଆକାଉଣ୍ଟାଣ୍ଟ ତଥା ଡାଟା ଏଣ୍ଟ୍ରି ଅପରେଟର ପାର୍ଥସାରଥୀ ବିଷୋୟୀ ଗିରଫ ହୋଇଛନ୍ତି । ଚଢ଼ଉ ବେଳେ କୋଟି କୋଟି ଟଙ୍କାର ସଂପତ୍ତି ଠାବ ହୋଇଥିଲା । କୋରାପୁଟ ବୋରିଗୁମାରେ ରହିଛି ପାର୍ଥ ସାରଥୀଙ୍କର ୩ଟି ବିଲ୍ଡିଂ । ବୋରିଗୁମା ଚମ୍ପିଆରେ ରହିଛି ଗୋଟିଏ କାଜୁ ପ୍ରସେସିଂ ୟୁନିଟ୍ ।
ସେହିପରି ବିଭିନ୍ନ ସ୍ଥାନରେ ରହିଛି ୧୬ଟି ପ୍ଲଟ୍ । ଚଢ଼ଉ ବେଳେ ନଗଦ ୨ଲକ୍ଷ ୪୫ ହଜାର ଟଙ୍କା ମିଳିଛି । ସେହିପରି ୨୮୫ ଗ୍ରାମ ସୁନା ଏବଂ ୭୦୬ ଗ୍ରାମ୍ ରୁପା ଅଳଙ୍କାର ମିଳିଛି । ପାର୍ଥ ସାରଥୀଙ୍କର ଦୁଇଟି କଂକ୍ରିଟ ମିକ୍ସଚର ମେସିନ, ଦୁଇଟି ଧାନ ବେଙ୍ଗଳା ମେସିନ, ୩ଟି ଟ୍ରାକ୍ଟର, ଗୋଟିଏ ପାଣି ଟ୍ୟାଙ୍କର, ଗୋଟିଏ ବୋଲେରୋ ଓ ୩ଟି ଦୁଇ ଚକିଆ ଯାନ ରହିଛି ।
ଚଢାଉରେ ଭିଜିଲାନ୍ସ ଟିମରେ ୨ ଏଡିଡିଆଇ, ଏସପି, ୪ ଡିଏସପି, ୬ ଇନ୍ସପେକ୍ଟର, ୫ ଏଏସଆଇ ଏବଂ ଅନ୍ୟାନ୍ୟ ସପୋର୍ଟିଂ ଷ୍ଟାଫ ସାମିଲ ଥିଲେ। ତେବେ ଜୟପୁରର ସ୍ପେସିଆଲ ଜଜଙ୍କ ନିର୍ଦ୍ଦେଶ କ୍ରମେ ଭିଜିଲାନ୍ସ ଏହି ଚଢାଉ କରିଥିଲା ।
