- କୃତୀ ଛାତ୍ରଛାତ୍ରୀ ଓ ଲୋକଙ୍କୁ ଉତ୍ତମ ସେବା ପ୍ରଦାନ କରିଥିବା ବ୍ୟକ୍ତି ବିଶେଷଙ୍କୁ ପୁରସ୍କୃତ
ବାରିପଦା : ଚଳିତ ବର୍ଷ ଜାନୁଆରୀ ୦୧ ତାରିଖରୁ ଜାନୁଆରୀ ୩୧ ତାରିଖ ପର୍ଯ୍ୟନ୍ତ ସଡ଼କ ସୁରକ୍ଷା ମାସ ପାଳନ ଅବସରରେ ବିଭିନ୍ନ ସଚେତନ ଧର୍ମୀ କାର୍ଯ୍ୟକ୍ରମ ଜରିଆରେ ସମାଜର ବିଭିନ୍ନ କ୍ଷେତ୍ରରେ କାର୍ଯ୍ୟ କରୁଥିବା ବ୍ୟକ୍ତି ବିଶେଷ, ଅନୁଷ୍ଠାନ ଓ ଛାତ୍ର ଛାତ୍ରୀଙ୍କୁ ସାମିଲ କରି ଲୋକମାନଙ୍କୁ ବିଶେଷ କରି ଗାଡି ଚାଳନା କରିବା ସମୟରେ ଟ୍ରାଫିକ ନିୟମ ମାନିବା ସହିତ ସତର୍କତା ମୂଳକ ପଦକ୍ଷେପ ନେବା ସମ୍ଭନ୍ଧ ରେ ସଚେତନ କରାଯାଇଥିଲା।
ଏହି ଅବସରରେ ଆଜି ଜିଲ୍ଲାପାଳଙ୍କ କାର୍ଯ୍ୟାଳୟ ସ୍ଥିତ ସମ୍ମିଳନୀ କକ୍ଷ ଠାରେ ଜିଲ୍ଲାପାଳ ଶ୍ରୀ ହେମ କାନ୍ତ ସଏ ତଥା ଜିଲ୍ଲା ସଡ଼କ ସୁରକ୍ଷା କମିଟି ର ଅଧ୍ୟକ୍ଷଙ୍କ ଅଧ୍ୟକ୍ଷତା ରେ ସଡ଼କ ସୁରକ୍ଷା କମିଟି ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ଜିଲ୍ଲା ଆରକ୍ଷୀ ଅଧିକ୍ଷକ ଶ୍ରୀ ବରୁଣ ଗୁଣ୍ଟୁପଲ୍ଲୀ ଏବଂ ବାରିପଦା ଆଞ୍ଚଳିକ ପରିବହନ ଅଧିକାରୀ ଶ୍ରୀ ବିଶ୍ୱରାଜ ବେହେରା ଯୋଗ ଦେଇଥିଲେ ଏବଂ ସଡ଼କ ସୁରକ୍ଷା କମିଟି ର ଅନ୍ୟାନ୍ୟ ସଦସ୍ୟ, ଛାତ୍ରଛାତ୍ରୀ ଓ ସାଧାରଣ ଜନତା ଉପସ୍ଥିତ ଥିଲେ।
ଏହି ଅବସରରେ ଜିଲ୍ଲାପାଳ ଏବଂ ଆରକ୍ଷୀ ଅଧିକ୍ଷକ ଗାଡି ଚାଳନା ସମୟ ରେ ଟ୍ରାଫିକ ନିୟମ କୁ ସତର୍କତା ସହ ଭାବେ ପାଳନ କରିବା ପାଇଁ ସମସ୍ତଙ୍କୁ ପରାମର୍ଶ ଦେବା ସହ ଏହାର ଉପଯୁକ୍ତ ଅନୁପାଳନ ପାଇଁ ପ୍ରବର୍ତ୍ତନ ଉପରେ ଗୁରୁତ୍ୱ ଆରୋପ କରିଥିଲେ।
ଏହାପରେ ସଡ଼କ ସୁରକ୍ଷା ମାସ ପାଳନ ଅବସରରେ ଅନୁଷ୍ଠିତ ହୋଇଥିବା ପେଣ୍ଟିଙ୍ଗ ଓ ସ୍ଲୋଗାନ ପ୍ରତିଯୋଗିତାର ୧୨ ଜଣ କୃତୀ ଛାତ୍ର ଛାତ୍ରୀ ଓ ୩ ଜଣ କୃତୀ ସାଧାରଣ ବ୍ୟକ୍ତି ବିଶେଷ କୁ ଜିଲ୍ଲାପାଳ, ଜିଲ୍ଲା ଆରକ୍ଷୀ ଅଧିକ୍ଷକ ଓ ପରିବହନ ଅଧିକାରୀ ମାନପତ୍ର ଓ ପୁରସ୍କାର ପ୍ରଦାନ କରିଥିଲେ।
ଏତଦ ବ୍ୟତୀତ ମୟୁରଭଞ୍ଜ ଜିଲ୍ଲା ରେ ଆକସ୍ମିକ ସଡ଼କ ଦୁର୍ଘଟଣା ସମ୍ମୁଖୀନ ପୀଡିତଙ୍କୁ ସ୍ୱତଃ ପ୍ରବୃତ୍ତ ଭାବେ ଉପସ୍ଥିତ ବୁଦ୍ଧି ବଳରେ ଘଡିସନ୍ଧି ମୁହୂର୍ତରେ ସାହାଯ୍ୟ କରିବା ସହ hospital ରେ ପହଞ୍ଚାଇ ଅମୁଲ୍ୟ ଜୀବନ ବଞ୍ଚାଇ ପାରିଥିବା ୧୮ ଜଣ ଜୀବନରକ୍ଷା କାରୀ ବ୍ୟକ୍ତି ବିଶେଷ ଙ୍କୁ ଜିଲ୍ଲା ପ୍ରଶାସନ ତରଫରୁ ଜିଲ୍ଲାପାଳ ଓ ଆରକ୍ଷୀ ଅଧିକ୍ଷକ ମାନପତ୍ର ଓ ପ୍ରତ୍ସାହନ ସ୍ୱରୂପ ପ୍ରତ୍ୟେକଙ୍କୁ ଟ.2000/-ଙ୍କା ଲେଖାଏଁ ଅର୍ଥ ରାଶି ପୁରସ୍କାର ପ୍ରଦାନ କରିବା ସହ ସେମାନଙ୍କର ଏହି ମହତ ସେବା ପାଇଁ ସାଧୁବାଦ ଜଣାଇ ବା ସହ ଆଗକୁ ଏହି ମନୋଭାବ ଜାରି ରଖିବା ପାଇଁ ପରାମର୍ଶ ଦେଇଥିଲେ.