ସମ୍ବଲପୁର: ପ୍ରଫେସରଙ୍କ ଘରେ ସିବିଆଇ । ସମ୍ବଲପୁର ବିଶ୍ବବିଦ୍ୟାଳୟର ପ୍ରଫେସରଙ୍କ ଘରେ ରେଡ୍ ହୋଇଛି । ଆଜି ସିବିଆଇ ଟିମ୍ ବୁଲୁ ମହାରଣାଙ୍କ ଘରେ ପହଞ୍ଚି ତଦନ୍ତ କରିଛନ୍ତି । ଏହି ଯାଞ୍ଚ ଟିମରେ ୫ ଜଣ ଅଧିକାରୀ ରହିଛନ୍ତି । ଦୀର୍ଘ ଦୁଇ ଘଣ୍ଟା ଧରି ପ୍ରଫେସର ବୁଲୁ ମହାରଣାଙ୍କ ଘରେ ତଦନ୍ତ କଲା ପରେ ସିବିଆଇ ଟିମ ଜ୍ୟୋତି ବିହାର ସ୍ଥିତ ସମ୍ବଲପୁର ବିଶ୍ୱବିଦ୍ୟାଳୟ କୁଳପତିଙ୍କ ନିକଟକୁ ଆସିଛନ୍ତି । ଦୁଇ ଘଣ୍ଟା ଭିତରେ ସିବିଆଇ ଟିମ ବିଭିନ୍ନ କାଗଜ ପତ୍ର ଜବତ କରିଛି । ୫ ଜଣ ସିବିଆଇ ଅଧିକରୀ ଥିବା ବେଳେ ଜଣେ ବିଶ୍ୱବିଦ୍ୟାଳୟ କର୍ମଚାରୀ ରହିଥିଲେ। ସେପଟେ ବୁଲୁ ମହାରଣାଙ୍କ ଘରୁ ସେପରି କିଛି ମିଳିନଥିବା ତାଙ୍କ ଭାଇ କହିଛନ୍ତି । କେବଳ କିଛି କାଗଜ ପତ୍ର ନେଇଛନ୍ତି ।
ଗତ ୧ ତାରିଖରେ ସିବିଆଇ ଟିମ୍ ପହଞ୍ଚି ତାଙ୍କ ଘରକୁ ସିଲ୍ କରିଦେଇଥିଲେ । ଆନ୍ଧ୍ରପ୍ରଦେଶ ଗୁଣ୍ଟୁରର ଏକ ଶିକ୍ଷାନୁଷ୍ଠାନର ନାକ୍ ରେଟିଂ ବଢ଼ାଇବା ପାଇଁ ଲାଞ୍ଚ ନେଉଥିବା ଅଭିଯୋଗ ହୋଇଥିଲା । ଏହି ଘଟଣାରେ ୧୦ଜଣଙ୍କୁ ଗିରଫ କରାଯାଇଥିଲା । ଗିରଫ ଅଭିଯୁକ୍ତଙ୍କ ମଧ୍ୟରେ ଥିଲେ ସମ୍ବଲପୁର ବିଶ୍ଵବିଦ୍ୟାଳୟର ପ୍ରଫେସର ତଥା NAAC କମିଟିର ସଦସ୍ୟ ଡକ୍ତର ବୁଲୁ ମହାରଣା ।
