ନୂଆଦିଲ୍ଲୀ: ବେସାମରିକ ବିମାନ ଚଳାଚଳ ମନ୍ତ୍ରୀ କେ ରାମ ମୋହନ ନାଇଡୁ କହିଛନ୍ତି ଯେ ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ ବର୍ତ୍ତମାନ ଭାରତୀୟ ବିମାନ ସେବାରେ ଥିବା ୩୪ଟି ବୋଇଂ ୭୮୭ ବିମାନର ସମ୍ପୂର୍ଣ୍ଣ ଯାଞ୍ଚ ପାଇଁ ନିର୍ଦ୍ଦେଶ ଦେଇଛନ୍ତି। ସେ କହିଛନ୍ତି ଯେ ୮ଟି ବୋଇଂ ୭୮୭ ବିମାନର ତୁରନ୍ତ ଯାଞ୍ଚ କରାଯାଇଛି। ଆଜି ନୂଆଦିଲ୍ଲୀରେ ଗଣମାଧ୍ୟମକୁ ସୂଚନା ଦେଇ ମନ୍ତ୍ରୀ କହିଛନ୍ତି ଯେ ଘଟଣାର ତଦନ୍ତ ପାଇଁ ଏକ ଉଚ୍ଚସ୍ତରୀୟ କମିଟି ଗଠନ କରାଯାଉଛି। ସେ କହିଛନ୍ତି ଯେ ଗୃହ ସଚିବ ଏହି କମିଟିର ଅଧ୍ୟକ୍ଷ ହେବେ।
ମନ୍ତ୍ରୀ କହିଛନ୍ତି ଯେ ଅହମଦାବାଦ ବିମାନ ଦୁର୍ଘଟଣା ପରେ ତଦନ୍ତ ପାଇଁ ସ୍ୱତନ୍ତ୍ର ଭାବେ ଗଠିତ ବିମାନ ଦୁର୍ଘଟଣା ଅନୁସନ୍ଧାନ ବ୍ୟୁରୋକୁ ନିଯ଼ୋଜିତ କରାଯାଇଛି। ସେ ଆହୁରି ମଧ୍ୟ କହିଛନ୍ତି ଯେ ଏଏଆଇବି ବିମାନର ବ୍ଲାକ୍ ବକ୍ସ ଉଦ୍ଧାର କରିଛି ଯାହା ଦୁର୍ଘଟଣା ସମୟରେ କିମ୍ବା ଦୁର୍ଘଟଣାର କିଛି ସମୟ ପୂର୍ବରୁ ପ୍ରକୃତରେ କ ‘ଣ ଘଟିଥିଲା ସେ ବିଷୟରେ ସୂଚନା ପ୍ରଦାନ କରିବ। ଶ୍ରୀ ନାଇଡୁ ଆହୁରି ମଧ୍ୟ କହିଛନ୍ତି ଯେ ପୀଡ଼ିତମାନଙ୍କୁ ଚିହ୍ନଟ କରିବା ଏବଂ ପରିବାର ଲୋକଙ୍କୁ ହସ୍ତାନ୍ତର କରିବା ପାଇଁ ଡିଏନଏ ପରୀକ୍ଷା କରାଯାଉଛି।
